L'origine della pernice - da Ovidio

Daedalus, clarus artifex, Athenis vivebat, ubi Perdicem, sororis suae filium, apud se recepit. Perdix, adulescens singularis ingenii et magnae voluntatis, mirum discipulum egregiumque inventorem se praebuit. Trahens in exemplum piscium spinas, in ferro dentes incidit et serrae usum repperit. Multa alia nova utiliaque instrumenta excogitavit, sed Daedalus nepotis peritiae invidus ex arce sacra Minervae infelicem deiecit. Dea autem, artificum patrona, commota miserando casu ingeniosi iuvenis, Perdicem decidentem avem reddidit: nam, mirabile visu, adulescentis corpus pennis velavit, ingenii vigorem ac manuum velocitatem in alas pedesque posuit. Sic originem habuit avis perdix, dissimilis aliorum avium natura et moribus. Perdix avis autem, antiqui da alto casus memor et edita timens, prope humum volitat, in proceris ramis nidum non construit nec in alta turri et ova in saepibus ponit.