|
[Intestazione pagina non disponibile nel Web corrente] |
|
La
morte è il solo porto sicuro 
[La barra dei collegamenti non è disponibile in questo Web]
|
Chi
può dire se la vita sia meglio della morte? Con queste
considerazioni Seneca cerca di confortare Polibio, potente
liberto di Claudio, afflitto per la morte di un fratello.
|
Si
velis credere altius veritatem intuentibus, omnis vita supplicium est.
In hoc profundum inquietumque proiecti mare, alternis aestibus
reciprocum et modo adlevans nos subitis incrementis, modo maioribus
damnis deferens adsidueque iactans, numquam stabili consistimus loco,
pendemus et fluctuamur et alter in alterum inlidimur et aliquando
naufragium facimus, semper timemus; in hoc tam procelloso et ad omnes
tempestates exposito mari navigantibus nullus portus nisi mortis est.
Ne itaque invideris fratri tuo: quiescit. Tandem liber, tandem tutus,
tandem aeternus est. Fruitur nunc aperto et libero caelo; ex humili
atque depresso in eum emicuit locum, quisquis ille est qui solutas vinculis
animas beato recipit sinu, et nunc libere illic vagatur omniaque rerum
naturae bona cum summa voluptate perspicit. Erras: non perdidit lucem
frater tuus, sed sinceriorem sortitus est.
Seneca,
Consolatio ad Polybium 9 passim
|